嘩!!乜原來我咁死耐冇打日記ka拿? 冇計啦..正經野，玩同見亞ben 都一樣咁忙!! 唯有得閒先打下日記講下近況 最近呀...報左一﹑二級山藝，攀石﹑水上歷奇... 哈哈~~無數個小時...全部ongoing 進行中， 自己又要visit,paper,present..... 所以冇咩間接幫子修補習..我都好驚佢剛升中唔慣.... 由於好累....我成日累到有點頭暈...朋友們見倒我開始遊魂...想嘔...面目可憎..全屬正常 星期六..第一次行山...嘩..好多野要買...好貴..又趕wor...一對鞋都幾百..睡袋又二百.. 加加埋埋..又要報course...成為我的財政壓力...救命.... 山藝 真係好難忘，我終於都識用指南針喇，哈哈~~除左遠足的基本知識， 成個course俾左我好多insight~~我地夜晚行左成個鐘頭先到CAMP SITE... 哈哈~~以為上完LECTURE 可以訓...(行完山已經好累)..點知原來要夜行...(行程表冇寫) 帶住勁累勁眼的心情去行...E...原來有role play 的，之後仲有discussion... 咁似我讀PPM 果D programme planning 同evaluation ，仲有好多reflective learning.. 唔怪得咁多老師﹑社工讀呢個course啦!!discuss 完之後佢叫我地響山上面等，唔可以走開.. 等呀等..等亞等...都唔見有人呢搵我地ge...但又好彩..我d組員好talk 得，帶起好多話題.. 但傾到三點幾...8個人頂唔順要訓街喇我地...嘩...好耐冇訓過街... 一訓..個天好多星星...哈哈~~勁開心，近幾年因為光污染的關係，都好少見倒星星~~ 由細到大最鐘意睇星星，即使得自己一個人睇星星，我都覺得是一件很浪漫的事!! 等到4點終於有人帶我地番營地喇....沖埋涼5點倒訓..七點幾又要起身做早操了... 第二日有好多唔同的game玩~~例如蒙眼唔講野排次序(好似我實習時同小朋友玩的game) 拍低成個過程，再俾自己睇番個醜態，驚訝地發現組員的領導才能實在勁得難以置信呢!! 之後我地又學利用台床搬人..嘩..在斜斜的山上搬一位最大隻的組員.. 為左令我地親身經驗消防員的困難，要我地全組人又爬又攀...真係好辛苦... 所以呀濫用999，郁d就要人用直昇機救人果d要諗清潔，搬台床果個真係好金 另外我地都學左點樣用山藝三寶，地圖同埋演說技巧(勁似中七時的oral trainning) 
好累，好難忘，亦是值得的!!! 到到尋日喇，由於小女子讀緊一科disadvanyage~~即係弱勢社群!! 尋日去左一間專serve male sex worker 的機構，午夜藍 以下相片可能引起不安..敬請注意... 
sex worker 往往被社會上定為弱勢的一群.. 
機構內的 exhibition..原來提供左好多自我增值班，例如英文﹑普通話﹑技巧培訓班，講到尾，他們都是希望提高服務受眾的質素，令自己有更多bargain power與機會make change，令自己冇咁弱勢 
衛生署之前做過一個統計，一個感染HIV的病患者可以將病毒傳染俾五個人，為免性病在社區漫延，衛生署向機構如午夜藍，a-backup，紫騰等免費派發大量dom 同lubricant，希望藉機構的努力提高安全性行為的意識 
今次visit 對自己太多衝擊....我聽的時侯好heavy...要做一個 professional 的social worker真係好難 起碼自己呢一刻都有好多ge bias，有自己一套，我accept尊重sex worker 的職業 但我未能夠完全認同他們的看法，做法....... 我相信將來做sw，一定會遇到有多client 的價值會challenge 我們的beliefs， 但我能夠放下自己的subjective judgement，進入他們的內心work with 佢地嘛? 如果我將來做學校社工，有小朋友同講做援交，or 吸毒，偷野， 我點樣先可以明白佢地，進入佢地內心呢? 其實呢類事情一d 都唔遠.. 社會上expect 我地應該conform，behave ourselves，但遇到問題時 我點樣可以prepare 好自己心態，去接受唔同人的意見， 而同時間自己可以feel comfortable，唔駛太heavy 面對呢? as 一個social work student，我真係仲有好多野要學，要諗，要經歷..... 我要冷靜番自己先.... | 
