今日去左送miss gruden 飛機,真係唔捨得,因為都知道左佢要番加拿大好耐,只係今日,佢真係要走。

之前四年,有兩年都係佢教我。老實講,我的英文唔會有好大進步,不過我個朗誦季軍始終係佢幫我train番呢ge,我應該感激佢!!

尋日派左成績表,其實真係冇咩感覺,直情去到心如止水的境界。
今次考試冇咩點溫,"立"下就算,.好鬼輕鬆,因為已經睇通睇透左,唔想爭第一!!
世事就係咁ka喇,越刻意,越乞衣!我乜都唔去爭,反而keep住考倒個第二番呢。
哈哈,點解考唔倒第一?唔講喇~~不過我信佢有料考倒第一的話,佢點都會考倒第一,
冇話有咩唔抵!!
不過擔心ge係,出年放榜,唔知有幾多人會喊呢...有時都唔知係自己有料,定係d人太懶...
講真,我日日番去抄功課,有咩理由借俾我抄果d反而低分過我ka...

有時會諗,如果我係讀上年果班4d就好啦。佢地讀書態度好好!!

其實我唔鐘意叻過人,我鐘意有人同我爭!!
以前讀書好開心ka,因為我可以有目標,有進步,叻過d我以前認為高不可攀的人。
諗番起一升上中四果時就會有好多感覺,仲好似尋日的事咁,原來咁樣就一年喇.. ... .
第一次u.t,我考第七,同時,我想買mp3。亞哥話下次考試三名以內就買俾我,結果,我考第二。
果時真係好開心,我開心唔止因為有mp3機,而係因為冇諗過我可以考三名以內。
我由以前考三十幾,跟住慢慢靠自己努力爭左個第2番呢,我真係好開心,
甚至係咁發癲又攬亞媽又周圍攬住d同學,我記得我真係好開心.. ... .

衣家都係考第2,不過就冇左開心的感覺喇,因為,都試過啦。
考第1 ? 遲早的事!!

呢一年,多左好多人認同我~~直情係要風得風,要雨得雨。
不過讚的說話聽得太多,厭lu.. ... .我都開始自大呀~哈哈!!